اكو مثل جنوبي قديم يگولون (أيست المختاضه )
يگولون گبل من تسوي المره اقل غلطه يگوم رجلها يكتلها ويوديها لاهلها وتبقى المسكينه عد اهلهه لحد ماتدخل الناس الخيره ويجون يردونها لبيتها ..
وجانت الناس گبل ماعدها ساعات وتعرف الوكت فتعتمد بشغلها وتسيورتها على صياح الديج ...واحنه نعرف الديج يعوعي باوقات معينه اول شي الفجر وتگعد الناس تصلي وتذكر الله وكلمن يروح لشغله من حش الحشيش ورعي اغنامهم ودوابهم والعنده زرعات يروح لگاعه ويستمر حالهم لحد المغرب كلمن يرجع لبيته يستراح ويتعشه وتبدي تسيورة الليل وقضاء امور السلف والعشيره
يگلك المره المختاضه عينها على الدرب بلكي يجي رجلها والناس الاجاويد ويردونها لبيتها وجهالهه حتى لو هي ماغلطانه بس تعتبر بيتها مملكتها ...وعين امها تباريها وتعرف بگلب بتها وتستمر على هذا الحال لحد نص الليل وعلامته عدهم الديج يصيح بنص الليل ذيج الساعه تلتفت امها عليها وتگلها :نامي يمه اليوم أيسي محد اجه يردج ..فمشه هذا الكلام مثل وگالو (أيست المختاضه )
يگولون گبل من تسوي المره اقل غلطه يگوم رجلها يكتلها ويوديها لاهلها وتبقى المسكينه عد اهلهه لحد ماتدخل الناس الخيره ويجون يردونها لبيتها ..
وجانت الناس گبل ماعدها ساعات وتعرف الوكت فتعتمد بشغلها وتسيورتها على صياح الديج ...واحنه نعرف الديج يعوعي باوقات معينه اول شي الفجر وتگعد الناس تصلي وتذكر الله وكلمن يروح لشغله من حش الحشيش ورعي اغنامهم ودوابهم والعنده زرعات يروح لگاعه ويستمر حالهم لحد المغرب كلمن يرجع لبيته يستراح ويتعشه وتبدي تسيورة الليل وقضاء امور السلف والعشيره
يگلك المره المختاضه عينها على الدرب بلكي يجي رجلها والناس الاجاويد ويردونها لبيتها وجهالهه حتى لو هي ماغلطانه بس تعتبر بيتها مملكتها ...وعين امها تباريها وتعرف بگلب بتها وتستمر على هذا الحال لحد نص الليل وعلامته عدهم الديج يصيح بنص الليل ذيج الساعه تلتفت امها عليها وتگلها :نامي يمه اليوم أيسي محد اجه يردج ..فمشه هذا الكلام مثل وگالو (أيست المختاضه )
