هذا هو دين محمد العظيم ...

الحاجة ام الإختراع ..

يعني طنكرعلى نفسك و لتكلب "خلقتك"

شايف مرات تبدل بنص كشخة وتطلع من باب البيت ويتلكَوك" جهال" المنطقة : عمو عمو ماعدنا كَولجي، تكَدر توكَف بالكَول شوية على مايجي غيرك؟
_ ليش كَولجيكم وين؟
ينب عليك واحد منهم، عمو مو اللعبة مهمة اليوم وكلهم يريدون يصيرون هجوم ويسجلون، عفية حباب عمو بس شوية.
وبنص تعاطف تتذكر انت بنص كشخة ومبيها شي توكَفلهم, تنتصب بنص الكَول اللي هو عبارة عن نعول مشحلفة عالميمنة وثليثية بلوك عالميسرة، تورثلك جكَارة وتكَعد ام كَميمز وتاخذلك صفنة " بزْوية عمُر" وماتحس الا الصياح والهوسة والعتاب: ليش عمو ليش مو اعتمدنا عليك؟ ، وتدرك متأخرا ان "الطوبة" مرت من يمك وانت بصفنتك وتبسط ايديك معتذرا: اي والله شيسوي اني؟ وتعوف الكَول وتمشي مكملا صفتك......
* الصورة مالها علاقة بالموضوع، للتبرّك بس.

جبنة عمرنة حطب
وحمالة لهل الحطب
وجبنة عمرنة نخل
ما يوم اكلنة الرطب
الله يا هل وطن
الله يا هل شعب
لا فادك الطاغية
ولا فادك المنتخب
مثل الجمل بالسفر
لمن يحمل ذهب
ومن توصل القافلة
حصتنه بس التعب
.

هواي شفته اني بعيني . . شنو السالفه جاي تصور انته وتنشر . لو جاي اطالب بحقك . . . واحله سيلفي من التحرير اني والضلع . هههههههههه . والله يالله .